‘రూపా’యి

నా రూపం
నాటి నుండి
నేటి దాకా మారుతూనే

మారకం లో
వ్యత్యాసాలు
విన్యాసాలు
సగటుజీవి చేతిలో
నేను అపురూపాయి

నేనే బొమ్మా నేనే బొరుసు
బిళ్ళని పిల్లల చేతుల్లో
పెట్టుబడిదారుల చేతుల్లో
అంగడిబొమ్మని

మాంద్యం
తరుముకొస్తుంటే
వినియోగదారుడు బేలగా
పెట్టుబడిదారుడు దర్జాగా
రాయితీలు వాడికే
ఎర్రతివాచీ పరచి
దేశం దాటేదాకా
దాటించేవాడి నినాదం వెనుక
రహస్యమెరుగని సామాన్యుడు

బ్యాంకులు అత్తలైతే
పాలకులు అల్లుల్లు
పందికొక్కులు గాదెలనే
తొలిచేస్తున్న వైనం
రాజ్యం దివాళా
ఖజానా ఖాళీ
నేనేమో సత్తు బిళ్ళ నౌతున్నా
వైచిత్రి? భళా!

గిరిప్రసాద్ చెలమల్లు

గిరిప్రసాద్ చెలమల్లు: పుట్టింది సూర్యాపేట 1968 లో. పెరిగింది నాగార్జునసాగర్. ప్రస్తుత నివాసం హైదరాబాద్. విద్య ఇండస్ట్రియల్ ఇంజనీరింగ్ అండ్ మేనేజ్ మెంట్ లో పోస్టుగ్రాడ్యుయేషన్. ఉద్యోగం ప్రైవేట్ ఆర్గనైజేషన్ లో. కవితలు వ్రాస్తుంటారు. వివిధ పత్రికల్లో ప్రచురితం.

1 comment

ఇటీవలి వ్యాఖ్యలు

Categories

Your Header Sidebar area is currently empty. Hurry up and add some widgets.